estaguenao manmasâpet
O Yuus na pelegrino, sugo magi giya hame.
Taitutuhon na Tiniñgo
taihinekog na Finaye
tagkiloña i tachoñgmo
ke i sagan mapagahes.
Hafa na undiñgo pago
i gienfsagan i lañget?
Saena hao, Yuus Lahiña
ni i bula minaase
mamataotao yan humuyoñg
Yuus Taotao Chelonmame
I Mesias hao i Kristo
hagas ham manmasañgane.
An humalom i chatanmag
ya machagchag i haane
unnasulo gi sankatan
i atdaomo bula guafe
Hago i malag na Atdao
i mañiñila na kandet.
Chamo chachago, Asaena,
guien gi fanagonmame
gos maneñgheñg i sanhiyong
megai lokue i mañake
Maila halom, Patgon Yuus
sa yanmame dinañae.
Guai-fanhagman i gimata
yagin magof hao humatme
Maila halom, giya hame,
sugo ya unmaadahe
kalan imagas i gima
yan Rai i leka nam lañget.
Nañnga naya, gofliion
insañgane hao magahet
i taotaomo hao yumute
sa mañaguat manmandage.
Ti uchogue i chamorro
sa ti enao payonmame.
Sugo, Dikiki na Patgon
maila ya unmadandane
ni mannámagof na danan
guien gi atpa pat labet.
Hago-ha siña dumandan
sa manuñgo hao yan faye.
fata i managof
fanmato fanmato giya Belen.
Atan i Patgon, Rai añghet siha.
Tañgiñgi, taadora
Tañgiñgi, taadora
Tañgiñgi, taadora si Jesus
Ilegña i añghet
nu i pastot siha
estague i Kristo, giya Belen
gi sagan gaga, chatsage, taigima.
I malag na INA,
Lahen Yuus Tata,
humuyoñg sen Taotao, achiguata.
O yiniusan Dikiki na Patgon.
Malañgo i taotao
ti amtiyon esta;
lao mato si Yuus ni Yóamte.
Guiya i amot
náhomlo yan mames.
tatuna si Jesus.
Enao guiya; achog-ha ti talie
ta adora i sen Lahen Yuus
Biba Kristo Jesus! Gi lañget siha
yan i tanómame
unmagoflie hao; Santos na Ostia
ya unmatuna hao, Saenanmame.
Matatachoñg gi lañget i Saenata
sa Lahen Yuus gue;
lao manhita, sa gaige lokue guine gi attatta,
sen na-ta yan gimen.
Tumaotao ya humuyoñg cha-taotaota
gi sen Neñgkano
apas isao, gi hayo anae matai
ya korona gi taichi na raino.
Sakramenton i attat
yan i Bithen na tailamen
Mamapotgeñaihonña.
Maila magi, gi Sagrario
ya unkano si Yuus
guiya i manñge na Na-mo
i Abogmo as Jesus.
O linahyan i pution
tunog papa ya inlie
si Jesus ni mama agon
gineflie taichii.
sa Lahen Yuus hao
iyomo iya hame
ya ingeflie hao.
Matuna hao, tagahlo
na Korason Yuus;
gi tano yan i lañget
Raimame, hao, Jesus.
siha i taotaomo
hago ingeflie
yan i Korasonmo.
Tat nae giya hame
ti gumuaeya hao, Jesus
sa Hago i magas
yan magahet na Yuus.
Lao yagin pintomo
na infanmatai hame.
pot Hago nai inchida
todo i hagamame.
Dichoso i matae
gí fion i kiluus
anae esta matai
i gumuaeya hit manpos.
Nihi tanatagkilo.
i senmames, guaeyayon,
magas, adorayon, yan yinius Korason.
i Korasonña haguaeya hit.
I FLECHAN YUUS, hatogcha hit
i Korasonña haguaeya hit.
Hafa, Jesusno, i malago' mo
gi dinilog'mo nu i taotao?
Yagin i sensen, pat i antiña
Yuus Lahiña, chulie hao.
Guaho magahet, lansan Lonhinos
kalagtos, inos, flemecha hao.
Taya dumulog, i Korasonmo
na it patgonmo, ni guaho-ha.
Sahguan guinaeya, figan na hotno
i korasonmo, mames Jesus.
Taya taeguenao, na ginefie
hanamalie, na si Yuus.
ya i ranomo, poluye hame,
bobo guinaeya, goflie ham;
i Korasonmo fanue ham,
i Korasonmo fanue ham.
O linañgitan gumayuus
o adoarayon haof Jesus;
I korasonmo, sinen Yuus
dinilog lansa gi kiluus
dinilog lansa gi kiluus.
Todo i telañg gi tataotao
hanataimagtos tumuna hao
Rai i manañghet yan i taotao,
i korasonho hunae hao
i korasonho hunae hao.
Abmam, Jesusso, pinite yo
kalan mahalañg yan triste yo
I kalaguagmo babaye yo
gisanhalomña naligeñg yo
gisanhalomña naligeñg yo.
ingaueya hao, Sinilo Jesus.
chat-malag i atdao, yagin malag hao
I ininan Yuus, ninamalag hao.
I añghet gi lañget, ninalalaolao
nu i ginatbomo, yagin anog hao.
I lañget mahuto, kalan nagoñgmo
i atdao tumanpe, kalan dakoñgmo.
Si Yuus Lahiña, mamataotao gue
sa i binithenmo, ninamago gue.
Hatdin fanflorisan, i korasonmo
sa i Lahen Yuus, mama-Patgonmo.
I amko, i patgon, china-tuna hao
ya i flores siha, pinaopague hao.
Namagof hao, Nana, flumamauleg ham;
tulaikan i flores, gef-adahe ham,
Naabog yo magi, ya konie yo;
as Jesus Lahimo; huguaeya hamyo.
ABE, NANAN YUUS, sengasgas Maria,
maogte minauleg, yan grasia siha.
Abe, Abe, Abe Maria.
Abe, Abe, Abe Maria.
Senbithen yan Nana, pution i tase
para i mahalañg, Nanan minaase.
Gi lañget tumunog, ini na pution
para i taotao siha, Nanan gofliion.
Anae si Maria, kahulo gi lañget
hafata na maisa, i Upúpulan hit.
yan sen mames na Nanaho
gogue yo ya chachalane
tunanas gi echoñgñamo.
Ileg añghet as Maria: "Abe, bula grasia;
i Patgonmo umagase
todo i taotao siha."
I haanen mamataotao, enao i Lumibre hit
unnamagof i enetno
i man añghet gi lañget.
Hago, Saonao gi Linibren, i salaon na taotao
sa unfata i Lahimo
kalan apas i isao.
Yahin haye umagañge, i minames naanmo.
i antiña utineñggue, nu i inayudamo.
Maria, Bithen yan Nana,
sa ninamagof i Saena,
nu i geffinatinasmo.
Hutuñgo i minagasmo,
ya husennae hao pago.
i ante, i minalago,
yan todo i guinahaho
Yagin hago para guaho,
guaho, Nana, para hago.
Yagin hago para guaho,
guaho, Nana, para hago.